睇名就知難而退? 香港山系命名規律探討

有幾個keyword行山既朋友睇地圖成日見到, 見到知道肯定係超高難度既險地

警告: 去任何路線前都應該做足功課 (網上攻略/youtube), 一定要裝離線地圖app (google map係不適合行山用). 量力以為

肚

肚者, 動物之腹也. 山之肚為山脊下面一大片範圍. 凡"肚"皆險.

香港有3隻動物命名既山合共有四"肚". 四肚範圍內各有高危路線.

獅肚 (獅子山) : 獅子山為東頭西尾走向, 獅肚為獅子山南面陡峭山坡. 

有獅肚棧道, 獅頸幽靈畫廊等等險地

鵝肚 (飛鵝山) : 飛鵝山為南北走向, 南起飛鵝山至東山, 象山, 大老山一系列500米以上山峰. 鵝肚為飛鵝山西南面陡峭山坡. 

鵝肚內有鵝肚棧道, 佇人三脊, 佇鷹脊, 鵝肚坑, 九月壁脊, 日落脊等等

東/西 馬肚 (馬鞍山) : 馬鞍走向為北面牛押山至南面馬鞍山. 

馬鞍東為東馬肚. 有東馬肚列壁 (螺旋壁, 彌天壁, 斷鳶壁), 象額脊, 象門右崖, 彌天棧道等險地.

馬鞍西面為西馬肚, 有馬頭坑燈籠瀑, 西馬肚各坑等山澗水脈流向大水坑方向

棧道

棧道為山峰下方懸崖峭壁上橫向發展既路線, 通常貫穿各通往山頂既脊線. 或在壁底崖邊的狹窄小路橫行.. 普遍為超高難度路線, 也有很高的迷路風險. 香港四大險山 獅/鵝/馬/鳳凰山 各有數條棧道.

獅子山及飛鵝山的棧道為獅肚/鵝肚棧道. 鵝肚棧道在2021年4月發生兩宗致命意外, 可見其險

馬鞍山的彌天棧道在馬鞍山下以東, 貫穿東馬肚各脊及象門象額等險地

鳳凰山的棧道凡多. 圍繞鳳凰山頂四邊. 北面有天門棧道/北巖棧道等高難度北天門路線. 東面有白顎上/下棧道. 南面的南巖棧道/南茶棧道卻是通往南天門的路線

崖/壁

崖/壁 為懸崖峭壁, 需險攀, 已超過"行山"範圍進入"攀石"領域. 險地有倒碗崖, 鳳羽壁, 螺旋壁, 摩天崖等等. 例如西高山, 有西高西崖 和 西高西脊, 西脊為普通山線, 西崖卻為險攀之路. 一字之差卻有天淵之別

坑/峽/澗

坑/峽 為山谷凹陷之處, 一般以言峽在近山頂之處, 而坑在中間. 水由高流向低處, 沖蝕成坑經澗流向出水口. 坑/澗多為濕潤之地, 雨季水量大會出現瀑布流水. 如西馬肚一帶, 馬頭坑/西馬肚左坑/吊手南坑 等各水脈合流至 西馬肚坑 經 西馬肚石澗 接 馬大石澗 流向海邊

脊

範指一系列突出山峰所組成通往山頂既路線. 如無特別名者, 多以方向命名 (東/南/西/北 脊). 脊為上山最基本路線, 同一山峰可有多脊通往上頂, 但難度差異極大, 不能以名為準. 例如飛鵝山, 北脊經東山象山為普通路線, 南路三脊線 (高危, 崎嶇, 日落) 卻為攀爬路線. 南脊中日落脊又比高危難幾個層次.