入門行山裝備 (背囊篇)

非廣告, 純粹分享自己揀選裝備既經驗

背囊

揀選行山背囊同去街背囊最大分別有幾點需要注意:

1. 容量

背囊以幾多L為容量單位, 一般單日行山, 如果係春夏秋天唔洗帶好多厚外套既情況下, 15-20L左右已經足夠. 但如果講緊冬天出門口得10度左右, 要著多幾層外套, 行緊既時候會太熱需要將部份外套收入背囊, 可能需要20-30L先足夠.

2. 負重設計

通常分為接觸式/懸浮式. 接觸式意思為背部緊貼身體, 好處係背囊重心貼近身體, 令身體更有效負重. 懸浮式為背囊背部同身體之間有空間, 令空氣更流通, 唔會撻係背脊, 出汗時更加舒適. 缺為係背囊重心遠離身體, 負重時會更加吃力. 而行山背囊一般有內支架/硬身背板, 保持背囊形狀, 令行走時重量更穩定.

如果負重較少係香港使用 (天氣普通較熱), 可以選擇容量較少既懸浮式. 如果重裝備行山, 大容量既接觸式背囊會較適合. 如果攀爬比較多既路線, 修長形狀+接觸式背囊會更加適合.

某部份背囊有份男女款, 除顏色分別, 肩帶既形狀都會唔同去適合男女身體既曲線