馬騮崖 八仙嶺 九龍坑山
2020年12月, 冬, 乾爽, 曬而唔太熱
路線
大尾督-馬騮崖-八仙嶺-黃嶺-鶴藪水塘-九龍坑山-大埔頭
長度: 16km
完成時間: 5hours
評價
難度類比: 比石馬脊既攀爬易少少而比獅尾脊/吊手岩西脊難少少. 路線為連走攀爬+衛徑10(前半)-9-8(後半), 需有連走兩段麥徑/衛徑既體力
主觀難度評分: ★★★★
路況: 要落手攀爬, 只有馬騮崖一個難位,
體能: 路程長 (16km) 而上落很多, 體能需求很大
正文
馬騮崖為當年八仙嶺山火老師被燒死既地方. 確實係不能容納多人同時逃死. 走一偏馬騮崖八仙嶺, 咁靚既山景如今永遠令人聯想去慘案, 實在可惜.
正常行八仙嶺會經由八仙嶺自然教育徑駁衛徑十逆走上仙姑峰 (紅線). 本身八仙嶺8個峰上落唔多, 但如果經黃嶺屏風山去鶴藪水塘, 需要一定體力. 如果再由鶴藪水塘上九龍坑山再落太和, 真係好考體力. 基本上係行兩段衛徑.
如果想好玩D, 可以係八仙嶺自然教育徑轉左入山徑上馬騮崖 (黑線). 路線較直接, 相對斜度大D, 又需要少量攀爬.
如果上完八仙嶺攰, 可以係犁壁山落南涌/繼續去鶴藪水塘走. 唔一定要行九龍坑山
呢道就係上馬騮崖既山徑入口. 行入去基本上由120米至350米高都係林入面行, 但只有一條清晰路徑唔會迷路. 少少斜但唔難行. 之後就會比較開揚, 到馬騮崖前一段比較多沙上斜, 但好快就行到馬騮崖 (大約410米高).
馬騮崖大約二三十米高 (亂估) 既石壁, 有手腳位, 懸空感較強. 要手腳並用爬上去. 小心慢慢上險而不危.
上完回望, 真係幾直下
馬騮崖上面望到全個大尾督+船灣淡水湖, 幾開揚
過完馬騮崖上多一段山路就會到仙姑峰. 八仙個set牌換過哂黎, 同3年前黎比較好似原始風格重D
(2020年version)
八仙之間既峰上上落落, 但距離好短.
黃嶺屏風山一帶山勢好靚, 沿途都係普通山路, 但好曬, 注意補充水份. 由犁壁山-黃嶺-屏風山既路途漫長過八仙好多, 只係八仙名氣大. 論氣勢論難度, 黃嶺先係主角
鶴藪水塘上九龍坑山一段山路慢慢上斜, 好悶加上行完一大段, 比較辛苦先捱到上頂
之後就係漫長石屎樓梯落山, 間唔時又要上下樓梯. 一路落到玉秀峰行一段山路接番石屎樓梯繼續落到大埔頭就完成
留言
發佈留言