吊燈籠 (南上東落)

2019年11月, 秋冬, 曬而熱

路線

烏蛟騰-吊燈籠 (南脊上東脊落)-三椏村-荔枝窩-苗三古道-烏蛟騰-新娘潭

長度: 16km

完成時間: 5.5hours

評價

難度類比: 上落吊燈籠類近太墩/減龍脊, 密草而多碎石. 無信心者可先嘗試太墩/釣魚翁等短線

主觀難度評分: ★★★☆

技術: 上落吊燈籠斜道比較高而多植物及路面多碎石, 其他路段為鋪設良好的郊遊徑

體能: 除上落吊燈籠需升降幅度大而曬, 其餘路段均為平路而多林蔭. 三椏村/荔枝窩有補給, 如距離太長可不去荔枝窩或由吊燈籠西脊往芬萁托下山回烏蛟騰

正文

吊燈籠為新界東北最高點 (416m), 由高而下睇到無敵既印洲塘美景, 算得上香港最靚風景之一. 

吊燈籠東南西北皆可上落. 以南上西/南落最為普遍. 西邊通往三椏村/三椏涌一帶. 由三椏村可以加長路線駁新建成既西流江郊遊徑由低位近距離觀賞印洲塘. 西落芬萁托回烏蛟騰為較短線路線.

現時假日275R九巴已經延伸至烏蛟騰做總站, 唔洗再一定等班次疏落既20R綠van 或由新娘潭行馬路入烏蛟騰, 交通更加方便

由烏蛟騰村出發, 向九担租行. 先經過石橋

繼續行至梅花樁. 左邊係犁三古道, 上犁三古道後右轉可以直達三椏村. 一直靠左上山係吊燈籠南脊. 右邊苗三古道, 回程會經過. 

路況清晰, 斜度有D大既崎嶇山徑加比較多植物. 一路用手輔助慢慢上升登頂.

一到山頂就睇到無敵景色, 辛苦都係值得既.

回望西南方八仙嶺船灣淡水湖一帶

印洲塘一帶及鹽田港

向東脊落山, 路面比較多沙石及植物, 小心"kick"腳. 慢慢下降至犁頭石接犁三古道去三椏村. 三椏村之後既路段全部為平坦既路, 合家歡郊遊路線.

三椏村風光

繼續沿海岸向荔枝窩進發

到達荔枝窩有士多有建築可以參觀

之後就沿路番三椏村向南去三椏涌. 跟苗三古道經下苗田, 上苗田去番梅花樁位置再番烏蛟騰.

下苗田附近分叉口, 南向係去大峒, 即係接上船灣郊遊徑 (下次有機會再介紹)