入門行山裝備 (行山杖篇)

非廣告, 純粹分享自己揀選裝備既經驗

行山杖

行山杖主要行用係運用背肌同三頭肌幫助身體前進或減速, 減低腳部負擔. 而揀行山杖有3大要素: 種類, 杖身材料. 手柄手帶

1. 種類

主要有3種: 內扣式 (twist lock), 外扣式 (quick lock), 接摺式 (Z-pole)

最常見既行山杖就係內扣式 (twist lock). 原理係透過旋轉令內置既膨脹器擴張/收縮以達至固定/調較長度. 好處係平價, 但使用上不夠方便

而外扣式 (quick lock)就係利用外置既扣具去施加壓力夾緊行山杖身去固定長度. 好處係調節方便, 但金屬既扣具輕微增加重量

接摺式 (Z-pole) 原理係內藏一條纖維繩既鬆緊將行山杖3段拉直或摺合. 好處為收納性強+輕. Z-Pole分兩種: fixed length, adjustable length. Fixed length 行山杖長度不可調較, 而adjustable length係其中一段加入quick lock, 令行山杖長度可調較. 當然愈少零件行山杖愈輕. Z-Pole一般配合carbon fiber做材料去達至最輕身, 適合講求速度既跑山賽, 但價錢相對較貴

外扣式 (quick lock)

2. 杖身材料

常用既有鋁合金 (aluminium alloy), 碳纖維 (carbon fiber), 複合型 (composit)

鋁合金 (aluminium alloy)有輕身, 強硬, 抗金屬疲勞力強, 防腐蝕既特點, 所以用做行山杖比鋼鐵等等材料好. 一般平價行山杖無標明用邊一款鋁合金, 而相對貴價行山杖多數標明使用7075鋁合金. 7000系列鋁合金加入Zinc, 提升強硬度耐用度, 7000系列多數用於飛機/航空, 係相對貴價既鋁合金. 所以揀有標明7075既鋁合金行山杖品質較有保證.

碳纖維 (carbon fiber) 比起鋁合金更輕身, 係相對低密度下同樣有高強度, 防腐蝕特點. 碳纖維杖超輕, 造用z-pole可以將行山杖重量降至最低. 但價錢較貴, 而且係受橫向力既時候容易折斷 (例如杖卡在石中間再施力).

複合型: 鋁合金相對成本較低而耐用, 碳纖維輕身而橫向韌性唔強. 所以有公司混合兩種材料去製作出輕身+強韌的複合型材料. 例如係鋁芯外面圍上碳纖維. 又或者行山杖中每段用不同材料.

3. 手柄手帶

手柄同手帶係行山杖使用舒適度既關鍵. 運用行山杖不是靠手握力, 而是利用手腕將上身力量透過手帶傳落地下. 只靠手握力很快便會疲勞

手柄分為 T柄, 直柄兩種. 一般以言直柄較適合行山, 靈活性較強, 符合人體工學. T柄比較接近老人手柄, 相對易操控.

手柄物料主要3種: 橡膠 (rubber), 海綿 (foam), 水松 (cork) 

橡膠 (rubber) 價錢最低, 而且防水耐用, 但手感較硬不舒服, 一般用於平價行山杖

海綿 (foam) 一般指eva foam, 係鞋墊/中底常用物料. 相對軟身有彈性, 手感舒適, 但有吸水特性. 如果手汗多/落雨會比較吸水引致不舒適, 耐用度相對橡膠低

水松 (cork) 手感好而且有透氣特別, 但相對重而且貴.

另外行山杖最好有一條較粗, 觸感較好既手帶. 某部份行山杖以一對形式出售, 手帶有分左右手.

總結

如果追求輕量化, 一對碳纖維摺杖就係好選擇 (較貴). 如果長期行山講求耐用方便, 一對7075鋁合金外扣式會很適合 (中價).