購入新單車 Dahon K3 Plus
有一架十年歷史的舊摺合單車, 20吋 鐵架非常重而開始殘舊, 最近天氣不適合行山, 決定購入新的摺合單車取代舊車, 在炎熱日子可以踩車. 是次決定購入16吋鋁架車, 以輕便及舒適度為主要考慮, 及少量配件 (增加方便及舒適度, 不以速度為改裝目標). Dahon K3 Plus 10kg左右, 16吋鋁架, 9速飛輪 (11-28T), 55T中空餅
文章
我的行山鞋
現役4對, 應付不同路線及不同天氣. 輪流穿著 *鞋重 (pair) 以官方為準, 鞋碼愈大愈重 Vasque Breeze III Low GTX 982g, Goretex防水, Vibram Megagrip底, 美國牌子 第一對正式購買的大牌子行山鞋, 開倉特價以購入. 經常穿著, 適合崎嶇不平/多石的路面, 較難的路線也能應付. 有如坦克車一般.
我的行山背囊
現役3個背囊, 應付不同路線及不同天氣. 主要考量因素有 容量, 重量, 背負舒適度, 穩定性, 便利性, Features Osprey Hikelite 18 18L, 680g, 網背 最常使用既背囊. 18L容量足夠單日行山 (如冬天需將多件外套及後備衣物收入背囊則空間不太足夠). 網背設計有金屬支架令網背與背囊中間分開令空氣流通, 變相背囊內有向內凸出的空間, 較難收納四四方方硬身的大量物件.
入門行山裝備 (背囊篇)
非廣告, 純粹分享自己揀選裝備既經驗 背囊 揀選行山背囊同去街背囊最大分別有幾點需要注意: 1. 容量 背囊以幾多L為容量單位, 一般單日行山, 如果係春夏秋天唔洗帶好多厚外套既情況下, 15-20L左右已經足夠. 但如果講緊冬天出門口得10度左右, 要著多幾層外套, 行緊既時候會太熱需要將部份外套收入背囊, 可能需要20-30L先足夠.
入門行山裝備 (衫/褲/襪篇)
非廣告, 純粹分享自己揀選裝備既經驗 買完鞋當然要買襪. 行山買厚定薄襪睇個人喜好. 厚襪保護性強但代價係熱同買鞋要預留更大size, 一般行長途/著硬身既鞋/冬天著. 薄襪透氣較好同適合貼腳既鞋, 夏天/柔軟既鞋 (e.g. 跑山鞋). 行山所有裝備都一樣, 千其唔好揀棉 (cotton) 比較高既. 綿既特性係吸水力強. 如果襪吸水, 會令腳指同鞋襪既摩擦增加, 濕住行容易磨損起水泡. 入門級行山衣物可以揀 polyester/polyamide (通常混入少量Spandex增加彈性). polyester/polyamide 常用於運動衣物, 因為有快乾, 輕身特性. 唔同廠商用唔同織法/混入其他材料去標榜自己既專利技術提升排汗快乾防菌等性能, 例如coolmax.
入門行山裝備 (鞋篇)
非廣告, 純粹分享自己揀選裝備既經驗 購買裝備優先順序: 鞋>襪>背囊>其他 行山最重要係 鞋 . 如果行一般郊遊徑/鋪設好既路, 當時普通波鞋都可以應付. 但點解要買行山鞋? 1. 耐用度 : 波鞋主要行/跑一般石屎路舒服/抓地為先, 所以底相對軟身, 而物料多數輕薄透氣為主. 用黎行走山路好快就磨蝕/整污槽波鞋. 反而買一對行山鞋, 可以有幾百公里山路壽命, 唔洗消耗貴價+外型靚既去街鞋 2. 保護性: 行山鞋一般midsole夠厚及硬身, 保護腳掌以免石頭吉腳底. 加上較硬身既整體結構, 防止踩係凹凸不平路面時鞋受壓變形過多, 引致拗柴. 另外鞋頭通常有硬膠toe cap保護腳指避免踢到石腳指受傷. 3. 抓地力: 行山鞋底唔係平既, 而係大量狗牙狀凸出既膠粒, 用黎抓實路面既沙/石增加摩擦力. 唔同鞋廠更加會用唔同outsole膠料, 應用係不同地形. 而近期比較流行著跑山鞋行山. 一般以言跑山鞋比行山鞋軟身吸震, 物料較輕身舒適, 但相對上耐磨程度低於行山鞋 揀鞋需要考慮既條件 1. Outsole (大底/外底) 選擇狗牙比較深而多方向, 有助抓地. Decathlon Quechua MH100 外底物料各鞋廠採用不同物料, 而最出名既有Vibram. 部份人話比較防滑. 但要注意係vibram牌子, 有出產唔同配方既膠底, 適合唔同路況. 一般山友講緊防滑既係megagrip, 相對上較軟身, 防滑比起硬身膠底好. Idrogrip就更加係為濕滑路面而設, 但代價係耐用度較低. 而XS Trek係行山boots比較常見, 較硬身耐用, 適合長距離高負重行走. 唔可以只睇有無Vibram logo就斷定防唔防滑. 一般行山跣唔跣, 除咗外底物料, 更重要係落腳點. 所以不用太過迷信名牌物料 (玩澗/攀石另計) 2. 鞋頭鞋形 相同鞋號但各牌子既鞋頭toe box闊度唔一樣, 亞洲人前掌較闊而歐洲牌子鞋頭偏窄. 小心試鞋. 一般以言, 意大利牌子鞋形較修長 鞋頭偏窄 , 美國牌子 鞋頭會較闊, 日本牌子 鞋頭鞋形較闊 就接近香港人腳形. 另外最好選擇鞋頭有toe cap保護腳指 3. Upper (鞋身) 鞋身有皮/膠/網面等等, 皮會比較重/硬/焗, 但較耐磨. 需要時間break-in....