石馬脊

2020年11月, 秋, 乾爽, 幾熱同曬


路線

黃大仙-法藏寺-石馬脊-獅尾脊-乾隆古道-大圍

長度: 6.4km

完成時間: 3hours

評價

難度類比: 難過馬騮崖上八仙嶺/石芽北脊少少 (一個位). 建議先試獅尾脊/吊手西脊/石芽北脊之類, 應付到先好試. 攀爬難度比西狗牙高 (一個位), 但路線短, 體力需求唔高

主觀難度評分: ★★★★

路況: 要落手攀爬, 一個難位

體能: 路程唔長, 短途輕鬆行

正文

獅子山為香港第一名山, 行山人士必然上過, 行山新手都以上獅子山為初段目標. 名氣之大都吸引唔少旅客, 所以長年人頭湧湧

獅子山好多條路上, 最易有麥徑上. 東面有4條路, 難度計: 獅尾脊<=石馬外脊<石馬脊<石馬內脊. 中間有雄獅拉矢脊/獅肚. 仲有攀石既獅頸獅頭 (超出行山範圍). 石馬三脊因為匯合點有一奇石形同國際象棋隻馬而得名. 石脊短而需攀爬, 為進階行山人仕體驗攀爬既一條不俗路線. 而石馬附近有一凸出大石被人寫上"天地正氣"四隻大字, 為高手傑作

先行最辛苦既沙田坳道上到法藏寺, 右邊個閘口入 (好多方法都去到石馬脊入口)

一路行:

入到盡頭左轉, 要睇下地圖搵路:

行到見到呢條路仔就啱啦

前多兩步到石礦場, 右邊就係上山入口

斜度係有既, 但用手平衡下慢慢上唔太難

行一陣就上到開揚D既位, 戲肉黎啦

呢到沿左邊慢慢上

黎到最難既位. 斜石壁. 出口係右上方. 先沿左邊用手捉住大石上爬 (繩我從來唔用, 唔知安唔安全). 兩個方法上: 1) 上到樹位向右橫移再上 2) 上到頂右移

上到一半橫移望番過去

出口

出口回望, 都幾斜, 要用手攀爬, 但成段路都係得呢個位最難, 其他易好多

過完難位上多少少就到石馬 (好似係國際象棋隻馬, 唔係真馬)

天地正氣石

再上就駁番獅尾脊後段上獅子山, 普通崎嶇少少既山路, 唔難

傻人塔

話咁快就到獅子山頂, 一粒鐘到已經到頂. 獅子山出名公廁咁多人, 唔介紹了, 求助影兩張相就閃人. 好多人, 記得帶番口罩.

係獅頭落麥徑. 之後有3條路可以去紅梅谷: 乾隆古道 (最長, 但最靚最好行). 獅紅古道 (最熱門), 三叉徑 (最短但斜)

今次行乾隆古道番紅梅谷去大圍. 短短地兩三粒鐘行完