西狗牙

2020年11月, 秋, 乾爽, 熱同曬

路線

石壁-石壁郊遊徑 (至西狗牙入口)-西狗牙-閻王壁-斬柴坳-鳳凰山頂 (可唔去)-昂坪 

長度: 8.3km

完成時間: 4hours

評價

難度類比: 石芽北脊/大金鐘牛押山馬鞍山, 建議應付到 獅尾脊/吊手岩西脊牛押山馬鞍山/大金鐘個堆先好黎

主觀難度評分: ★★★★

路況: 小量攀爬, 但難位唔多. 路線清晰而曬. 堅固石面為主

體能: 8.3km多少少, 由幾十米直上鳳頂934m, 無樹陰, 需要良好體力

正文

各狗牙為鳳凰山南面一系列山脈, 由西至東分別有不同路線上升, 匯合於閻王壁下. 西狗牙/中狗牙入口在石壁郊遊徑, 中狗牙坑 (上虎吼石河)/東狗牙/東東狗牙 (狗麻脊)入口在引水路各處. 

登上西狗牙之路非常直接, 入口為一大石, 如同告訴遊人不要亂闖. 往後之路一路沿山脊向上, 沒有退路只有高低起伏. 高低過後還有閻王壁擋路. 但回頭一看, 山勢霸氣盡現. 走西狗牙之路如同正面挑戰, 沒有退路也沒有轉折, 只有一路向前.

先搭11 (東涌->石壁警崗), 然後接上石壁郊遊徑

一路沿石壁郊遊徑行, 會見到中狗牙入口, 不過今日係去西狗, skip❌

行多陣見到西狗入口, 大大隻字. 由落車出發40分鐘左右就會到

入口個位都算斜, 個人認為行段西狗牙最難就係入口

基本上要手腳並用, 但未去到高難度攀爬. 石面夠腳位又乾爽, 小心D唔難應付

基本上就係一條路直上, 無分叉無密林, 唔會迷路

回頭望既風景就一模一樣, 要上到閻王壁先有多D野睇

石壁水塘:

昂平大佛 (終點會去個到)

其中一隻牙既山勢

過咗回望, 係幾靚既

黎到一線生機. 一線生機係東/中狗牙同西狗牙既交匯點, 接上閰王壁. 東/中狗牙要行過一線生機, 西狗牙就唔洗, 直上閰王壁就OK (小心行其實唔難, 得個名嚇人)

中狗牙山勢 (平緩過西狗)

閻王壁底, R爆頭都唔明點閻王法, 普通石壁向上姐. 可能係因為由起底上到黎成600米, 仲要上多段200米先到斬柴坳有得走人, 攰D掛

閻王壁比起西狗牙前段更易, 要用手平衡, 但路線選擇多, 腳位充足又唔算超斜, 反而壁底好多芒草, 幾靚.

一口氣上啦. 上到咁上下回望就見到中/西狗合流, 山勢係靚既, 成條路最靚都算呢個位

話咁快就到小鳥回頭石 (斬柴坳). 穿過小鳥回頭石可以去南巖棧道南天門等等, 唔去就可以上鳳頂/番昂坪

係咁易上埋去睇下景啦 (點知平日都超多人, 影兩張快速閃人)

之後就一路落番斬柴坳番昂坪, 落山石級路, 但都幾大級, 小心唔好整傷膝頭, 側身落. 昂坪無哂大陸旅客係幾好行既, 影下相就閃人