行山/影日出日落/雲海時機 - 參考天文台資料先出發

行山前請先參考天氣以決定路線及裝備. 睇日出日落/雲海, 需要天時地利要配合先有較大機會影到靚景. 可以參考天文台公開既資料, 增加成功率 (非100%準確, 欣賞美景都需要一定運氣)


基本天氣預報:  https://www.hko.gov.hk/tc/wxinfo/currwx/flw.htm
落雨有霧, 多雲, 能見度等等基本資料

https://maps.hko.gov.hk/ocf/index_uc.html

各區落雨機會率, 2小時內落雨預報, 1小時閃電預報

天氣照片:  https://co-win.org/cwosmap/cwos_map_hkowin_uc.htm

即時各區觀測站照片

風向:

香港春夏吹南風為主. 南風由太平洋空曠海面吹向香港, 污染物極少, 所以一般吹南風日子天色較清. 相反秋冬以北/東北風為主, 風由大陸吹向香港, 帶來大量空氣污染物, 所以吹北/東北風空氣質素較差天色比較濛

日出日落時間: 

預早30分鐘以上到達山頂等候, 可以影到太陽變大變小的過程

衛星雲圖:  https://www.hko.gov.hk/tc/wxinfo/intersat/satellite/sate.htm

可以觀察香港有否被雲層覆蓋. 如果睇日落, 由於太陽由西邊落下, 如果香港西面被雲層覆蓋, 睇到日落咸蛋黃機會下降. 反之日出就睇東面

香港高空氣象觀測 (空氣溫度、露點溫度的垂直變化): 

https://www.hko.gov.hk/tc/out_photo/upper-air-weather.htm

可以預計特定高度有無雲. 先睇天文台解釋:

1. 在某一高度上，空氣溫度及露點溫度的相差(氣溫露點差)可顯示該高度附近空氣的濕潤程度。當氣溫露點差接近0°C時，通常便產生雲或霧。因此，氣溫露點差是一個很好的指標來估算雲底高度。

2. 一般而言，氣溫會隨高度增加而下降。但逆溫層表示空氣溫度隨高度的增加而上升。當逆溫層出現時，該層以下的空氣會較為穩定，而空氣的垂直運動亦受到抑制。在其他適合的氣象條件配合下，逆溫層通常有利大氣低層產生雲、霧或煙霞

露點溫度 (Dew point temperature) 指空氣中水氣達到飽和從氣勢變回液態既溫度. 如果空氣溫度等同露點溫度, 就會產生雲霧. 而露點溫度及空氣溫度隨高度變化, 所以透過觀察兩條線係邊個高度相交, 就可以估計雲層高度.

例如2021/03/10 08:00, 500-930米左右兩線重疊, 所以係山頂/大老山/鳳凰山等等應該係一片雲霧當中. 但高於950米, 兩線分開代表雲霧消散, 即是在大帽山最高點有機會在雲霧之上. 可以影到腳下一片雲海. 而2021/03/12 20:00, 兩線係所有高度都分開, 出現雲霧機會唔大